gire qatron mein patthar par sada aisa bhi hota hai
gire qatroñ meñ patthar par sadā aisā bhī hotā hai
bhalā ho kar bhalā nām-e-ḳhudā aisā bhī hotā hai
diloñ meñ talḳhiyāñ phir bhī nazar meñ muskurāhaT ho
balā ke habs meñ bhī ho havā aisā bhī hotā hai
maiñ ḳhud se ajnabī ho kar qabā-e-ḳhush-dilī pahnūñ
mire andar rahe koī chhupā aisā bhī hotā hai
kanār-e-āb-e-dajla dhuup taptī ho qayāmat kī
har ik zarra bane karb-o-balā aisā bhī hotā hai
kabhī tanhā.iyoñ meñ ḳhud-kalāmī aur phir hañsnā
mujhe raas aa.e ye āb-o-havā aisā bhī hotā hai
sabhī paḌh kar phir apnī raah ho lete haiñ bastī meñ
sar-e-dīvār kuchh mub.ham likhā aisā bhī hotā hai
bachā luuñ nuuh ke beḌe ko tūfānoñ kī shiddat se
baḌhā bahr-e-madad ḳhud kibriyā aisā bhī hotā hai
gire qatron mein patthar par sada aisa bhi hota hai
bhala ho kar bhala nam-e-KHuda aisa bhi hota hai
dilon mein talKHiyan phir bhi nazar mein muskurahaT ho
bala ke habs mein bhi ho hawa aisa bhi hota hai
main KHud se ajnabi ho kar qaba-e-KHush-dili pahnun
mere andar rahe koi chhupa aisa bhi hota hai
kanar-e-ab-e-dajla dhup tapti ho qayamat ki
har ek zarra bane karb-o-bala aisa bhi hota hai
kabhi tanhaiyon mein KHud-kalami aur phir hansna
mujhe ras aae ye aab-o-hawa aisa bhi hota hai
sabhi paDh kar phir apni rah ho lete hain basti mein
sar-e-diwar kuchh mubham likha aisa bhi hota hai
bacha lun nuh ke beDe ko tufanon ki shiddat se
baDha bahr-e-madad KHud kibriya aisa bhi hota hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
