girta hi ja raha hai kyon mear din-ba-din

girtā hī jā rahā hai kyoñ me.aar din-ba-din

ham par hī chal rahī hai kyoñ talvār din-ba-din

terī badal rahī hai jo guftār din-ba-din

detā hai be-sabab hameñ āzār din-ba-din

āñkhoñ se ashk ban ke barastī hai terī yaad

yuuñ zaḳhm ho rahe haiñ numūdār din-ba-din

pahlī sī baat tujh meñ kahāñ ab rahī maujūd

tevar badal rahe haiñ tire yaar din-ba-din

hai āḳhirī kalām merā sun to lījiye

jiinā tire binā huā dushvār din-ba-din

sach baat hai ki ab hayā baaqī nahīñ rahī

'mohsin' badal rahe haiñ ab atvār din-ba-din

girta hi ja raha hai kyon mear din-ba-din

hum par hi chal rahi hai kyon talwar din-ba-din

teri badal rahi hai jo guftar din-ba-din

deta hai be-sabab hamein aazar din-ba-din

aankhon se ashk ban ke barasti hai teri yaad

yun zaKHm ho rahe hain numudar din-ba-din

pahli si baat tujh mein kahan ab rahi maujud

tewar badal rahe hain tere yar din-ba-din

hai aaKHiri kalam mera sun to lijiye

jina tere bina hua dushwar din-ba-din

sach baat hai ki ab haya baqi nahin rahi

'mohsin' badal rahe hain ab atwar din-ba-din