go raat meri subh ki mahram to nahin hai
go raat mirī sub.h kī mahram to nahīñ hai
sūraj se tirā rañg-e-hinā kam to nahīñ hai
kuchh zaḳhm hī khā.eñ chalo kuchh gul hī khilā.eñ
har-chand bahārāñ kā ye mausam to nahīñ hai
chāhe vo kisī kā ho lahū dāman-e-gul par
sayyād ye kal raat kī shabnam to nahīñ hai
itnī bhī hameñ bandish-e-ġham kab thī gavārā
parde meñ tirī kākul-e-pur-ḳham to nahīñ hai
ab kārgah-e-dahr meñ lagtā hai bahut dil
ai dost kahīñ ye bhī tirā ġham to nahīñ hai
sahrā meñ bagūlā bhī hai 'majrūh' sabā bhī
ham sā koī āvāra-e-ālam to nahīñ hai
go raat meri subh ki mahram to nahin hai
suraj se tera rang-e-hina kam to nahin hai
kuchh zaKHm hi khaen chalo kuchh gul hi khilaen
har-chand bahaaran ka ye mausam to nahin hai
chahe wo kisi ka ho lahu daman-e-gul par
sayyaad ye kal raat ki shabnam to nahin hai
itni bhi hamein bandish-e-gham kab thi gawara
parde mein teri kakul-e-pur-KHam to nahin hai
ab kargah-e-dahr mein lagta hai bahut dil
ai dost kahin ye bhi tera gham to nahin hai
sahra mein bagula bhi hai 'majruh' saba bhi
hum sa koi aawara-e-alam to nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
