go yan na kisi ko aae afsos

go yaañ na kisī ko aa.e afsos

hālat to hai apnī jā-e-afsos

dete to diyā meñ dil ko lekin

chāra nahīñ ab sivā.e-afsos

huuñ kushta maiñ vaañ ki jis jagah meñ

koī na kisī pe khaa.e afsos

juuñ sham.a agar na sar dhunūñ meñ

kyā kaam karūñ varā-e-afsos

chalte hue ahl-e-bazm ne yaañ

chhoḌā hai mujhe barā.e-afsos

'qā.em' vo amal ki ba.ad tere

ik ḳhalq kahe ki haa.e afsos

go yan na kisi ko aae afsos

haalat to hai apni ja-e-afsos

dete to diya mein dil ko lekin

chaara nahin ab siwae-afsos

hun kushta main wan ki jis jagah mein

koi na kisi pe khae afsos

jun shama agar na sar dhunun mein

kya kaam karun wara-e-afsos

chalte hue ahl-e-bazm ne yan

chhoDa hai mujhe barae-afsos

'qaem' wo amal ki baad tere

ek KHalq kahe ki hae afsos