go zara tez shuaen thin zara mand the hum

go zarā tez shuā.eñ thiiñ zarā mañd the ham

tū ne dekhā hī nahīñ ġhaur se har chand the ham

ham jo TuuTe haiñ batā haar bhalā kis kī huī

zindagī terī uThā.ī huī saugand the ham

aur bīmār hue jaate haiñ ḳhāmoshī se

ek āzār-e-suḳhan thā to tanomand the ham

tere ḳhat dekh ke aksar ye ḳhayāl aatā rahā

reshmīñ reshmīñ tahrīr pe paivand the ham

ye gayā saal bhī guzrā hai to yuuñ guzrā hai

dastakeñ thak ke sabhī lauT ga.iiñ band the ham

go zara tez shuaen thin zara mand the hum

tu ne dekha hi nahin ghaur se har chand the hum

hum jo TuTe hain bata haar bhala kis ki hui

zindagi teri uThai hui saugand the hum

aur bimar hue jate hain KHamoshi se

ek aazar-e-suKHan tha to tanomand the hum

tere KHat dekh ke aksar ye KHayal aata raha

reshmin reshmin tahrir pe paiwand the hum

ye gaya sal bhi guzra hai to yun guzra hai

dastaken thak ke sabhi lauT gain band the hum