goshe badal badal ke har ek raat kaT di

goshe badal badal ke har ik raat kaaT dī

kachche makāñ meñ ab ke bhī barsāt kaaT dī

vo sar bhī kaaT detā to hotā na kuchh malāl

afsos ye hai us ne mirī baat kaaT dī

dil bhī lahūluhān hai āñkheñ bhī haiñ udaas

shāyad anā ne shah-rag-e-jazbāt kaaT dī

jab bhī hameñ charāġh mayassar na aa sakā

sūraj ke zikr se shab-e-zulmāt kaaT dī

jādūgarī kā khel adhūrā hī rah gayā

darvesh ne shabīh-e-tilismāt kaaT dī

hālāñki ham mile the baḌī muddatoñ ke ba.ad

auqāt kī kamī ne mulāqāt kaaT dī

ThanDī havā.eñ mahkī fazā narm chāñdnī

shab to bas ek thī jo tire saat kaaT dī

goshe badal badal ke har ek raat kaT di

kachche makan mein ab ke bhi barsat kaT di

wo sar bhi kaT deta to hota na kuchh malal

afsos ye hai us ne meri baat kaT di

dil bhi lahuluhan hai aankhen bhi hain udas

shayad ana ne shah-rag-e-jazbaat kaT di

jab bhi hamein charagh mayassar na aa saka

suraj ke zikr se shab-e-zulmat kaT di

jadugari ka khel adhura hi rah gaya

darwesh ne shabih-e-tilismat kaT di

haalanki hum mile the baDi muddaton ke baad

auqat ki kami ne mulaqat kaT di

ThanDi hawaen mahki faza narm chandni

shab to bas ek thi jo tere sat kaT di