gudaz-e-atish-e-gham sin hui hain bawli ankhiyan

gudāz-e-ātish-e-ġham siiñ huī haiñ bāvlī añkhiyāñ

añjhū ke bhāñt paanī ho ke maaTī meñ rulī añkhiyāñ

kareñgī qatl dil kuuñ aaj teġh-e-abruvāñ-setī

nipaT ḳhūnīñ haiñ zālim ham niiñ terī aTkalī añkhiyāñ

pa.e-daf-e-gazand-e-zul-fiqār abrū tire mukh par

mizha kuuñ kar zabāñ kartī haiñ dam nād-e-alī añkhiyāñ

agar dekheñ bahār-e-husn khil gul ke naman phūleñ

rahīñ haiñ muñd jaddā.ī ye ḳhizāñ siiñ juuñ kalī añkhiyāñ

nahīñ darkār kuchh ai ḳhush-nigah surme kā dumbāla

mirā dil qatl karne kuuñ yū bas haiñ aTkalī añkhiyāñ

gayā hai māh-rū jab siiñ judā ho āb-e-haivāñ juuñ

jase maahī judā jal siiñ tapīñ yuuñ tilmilī añkhiyāñ

na hove dard-e-sar 'yakrū' kuuñ paidā garmī-e-ġham suuñ

agar dekheñ piyā ke mukh kā rañg-e-sandalī añkhiyāñ

gudaz-e-atish-e-gham sin hui hain bawli ankhiyan

anjhu ke bhant pani ho ke maTi mein ruli ankhiyan

karengi qatl dil kun aaj tegh-e-abruwan-seti

nipaT KHunin hain zalim hum nin teri aTkali ankhiyan

pae-daf-e-gazand-e-zul-fiqar abru tere mukh par

mizha kun kar zaban karti hain dam nad-e-ali ankhiyan

agar dekhen bahaar-e-husn khil gul ke naman phulen

rahin hain mund jaddai ye KHizan sin jun kali ankhiyan

nahin darkar kuchh ai KHush-nigah surme ka dumbaala

mera dil qatl karne kun yu bas hain aTkali ankhiyan

gaya hai mah-ru jab sin juda ho aab-e-haiwan jun

jase mahi juda jal sin tapin yun tilmili ankhiyan

na howe dard-e-sar 'yakru' kun paida garmi-e-gham sun

agar dekhen piya ke mukh ka rang-e-sandali ankhiyan