gul mein shafaq mein chand mein taron mein kho gae

gul meñ shafaq meñ chāñd meñ tāroñ meñ kho ga.e

vo ek aap haiñ jo hazāroñ meñ kho ga.e

ahl-e-vafā ke naam to zinda haiñ aaj bhī

go un ke jism kab ke mazāroñ meñ kho ga.e

ahl-e-vafā ke naam to zinda haiñ aaj bhī

go un ke jism kab ke mazāroñ meñ kho ga.e

jab dil milā to ham tirī yādeñ sameT laa.e

nazreñ milīñ to tere nazāroñ meñ kho ga.e

ḳhāmosh yuuñ hue haiñ mire dil meñ valvale

jaise bagūle rāh-guzāroñ meñ kho ga.e

'nādim' sadā-e-dair-o-haram phir na sun sake

ham jab se apne dil kī pukāroñ meñ kho ga.e

gul mein shafaq mein chand mein taron mein kho gae

wo ek aap hain jo hazaron mein kho gae

ahl-e-wafa ke nam to zinda hain aaj bhi

go un ke jism kab ke mazaron mein kho gae

ahl-e-wafa ke nam to zinda hain aaj bhi

go un ke jism kab ke mazaron mein kho gae

jab dil mila to hum teri yaaden sameT lae

nazren milin to tere nazaron mein kho gae

KHamosh yun hue hain mere dil mein walwale

jaise bagule rah-guzaron mein kho gae

'nadim' sada-e-dair-o-haram phir na sun sake

hum jab se apne dil ki pukaron mein kho gae