Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

gul muraqqa hain tere chaak garebanon ke

Riyaz Khairabadi

gul muraqqa hain tere chaak garebanon ke

Riyaz Khairabadi

MORE BYRiyaz Khairabadi

    gul muraqqa.a haiñ tire chaak garebānoñ ke

    shakl ma.ashūq andāz haiñ dīvānoñ ke

    na rukeñge dar-o-dīvār se zindānoñ ke

    ḳhud-baḳhud paañv uThe jaate haiñ dīvānoñ ke

    peñg vahshat meñ baḌhe haiñ tire dīvānoñ ke

    ab bayābāñ bhī unheñ sahn haiñ zindānoñ ke

    ek kyā jin ke har ik zarre meñ gum hoñ sau hashr

    ham bagūle bane aise ka.ī maidānoñ ke

    ka.aba-o-dair meñ hotī hai parastish kis

    mai-parasto ye koī naam haiñ mai-ḳhānoñ ke

    kuchh is andāz se aa baiThe haiñ vo sham.a ke paas

    dekh kar duur se par jalte haiñ parvānoñ ke

    le gayā aap ke dīvānoñ ko saudā-e-bahār

    dar-o-dīvār haiñ TuuTe hue zindānoñ ke

    jaam hai tauba-shikan tauba mirī jām-shikan

    sāmne Dher haiñ TuuTe hue paimānoñ ke

    haath kyuuñ khīñch liyā pher ke ḳhanjar ne

    sar jagah se nahīñ uThte haiñ girāñ-jānoñ ke

    dar se baḌhne nahīñ detā hai mujhe zauq-e-sujūd

    maiñ huuñ naqsh-e-kaf-e-pā haiñ tirī darbānoñ ke

    nahīñ gintī maiñ magar bazm-e-suḳhan hai raushan

    aaj maiñ sham' huuñ majme.a meñ suḳhan-dānoñ ke

    qatre haiñ kausar-o-tasnīm kaf-e-sāqī meñ

    ḳhum-e-aflāk to paimāne haiñ mai-ḳhānoñ ke

    vus.at-o-zāt meñ gum vahdat-o-kasrat hai 'riyāz'

    jo bayābāñ haiñ vo zarre haiñ bayābānoñ ke

    vaah kyā nāma-e-a.amāl haiñ dīvānoñ ke

    ki farishte liye TukḌe haiñ garebānoñ ke

    hosh uḌte hue dekhe nahīñ insānoñ ke

    lutf mai-ḳhānoñ meñ aate haiñ parī-ḳhānoñ ke

    naqsh-e-pā rah nahīñ sakte tire dīvānoñ ke

    ai junūñ sahn bahut tañg hai zindānoñ ke

    par-e-parvāz bane ḳhud sharar-e-sham.a kabhī

    sharar-e-sham.a bane par kabhī parvānoñ ke

    apne kūche meñ jo dekhā to vo hañs kar bole

    chhānne vaale kahāñ aa.e bayābānoñ ke

    zikr kyā ahl-e-junūñ ki jab aatī hai bahār

    vo to vo rang badal jaate haiñ zindānoñ ke

    aaj but baiThe haiñ taqdīr ke mālik ban kar

    ab jo likkhā ho muqaddar meñ musalmānoñ ke

    baam tak tere zarī'ā hai rasā.ī yahī

    duur se jhuk ke qadam luuñ tire darbānoñ ke

    un ke bikhre hue gesū nahīñ haTte ruḳh se

    aaj nikle haiñ vo jhurmuT meñ nigahbānoñ ke

    saath vāloñ meñ mire kohkan-o-qais bhī haiñ

    mere qisse nahīñ TukḌe koī afsānoñ ke

    chashm-e-yāqūb bane halqa-e-zanjīr aañkh

    kabhī taqdīr se din phirte haiñ zindānoñ ke

    ġhairat-e-haq ko ho kyā josh jab ā'māl ye haiñ

    kam hai jo kuchh ho muqaddar meñ musalmānoñ ke

    duur se dekh ke phirnā vo mirā ulTe paañv

    uf vo badle hue tevar tire darbānoñ ke

    mah-o-anjum se Tapaktā hai yahī rātoñ ko

    un meñ TuuTe hue sāġhar bhī haiñ mai-ḳhānoñ ke

    inheñ Thukrāte chalo hashr meñ lutf aa.egā

    inhīñ qabroñ meñ haiñ maare hue armānoñ ke

    niklī jaatī hai zamīñ paañv ke nīche se 'riyāz'

    kyuuñ du'ā ko na uTheñ haath musalmānoñ ke

    gul muraqqa hain tere chaak garebanon ke

    shakl mashuq ki andaz hain diwanon ke

    na rukenge dar-o-diwar se zindanon ke

    KHud-baKHud panw uThe jate hain diwanon ke

    peng wahshat mein baDhe hain tere diwanon ke

    ab bayaban bhi unhen sahn hain zindanon ke

    ek kya jin ke har ek zarre mein gum hon sau hashr

    hum bagule bane aise kai maidanon ke

    kaba-o-dair mein hoti hai parastish kis ki

    mai-parasto ye koi nam hain mai-KHanon ke

    kuchh is andaz se aa baiThe hain wo shama ke pas

    dekh kar dur se par jalte hain parwanon ke

    le gaya aap ke diwanon ko sauda-e-bahaar

    dar-o-diwar hain TuTe hue zindanon ke

    jam hai tauba-shikan tauba meri jam-shikan

    samne Dher hain TuTe hue paimanon ke

    hath kyun khinch liya pher ke KHanjar tu ne

    sar jagah se nahin uThte hain giran-jaanon ke

    dar se baDhne nahin deta hai mujhe zauq-e-sujud

    main hun naqsh-e-kaf-e-pa hain teri darbanon ke

    nahin ginti main magar bazm-e-suKHan hai raushan

    aaj main sham' hun majmea mein suKHan-danon ke

    qatre hain kausar-o-tasnim kaf-e-saqi mein

    KHum-e-aflak to paimane hain mai-KHanon ke

    wusat-o-zat mein gum wahdat-o-kasrat hai 'riyaz'

    jo bayaban hain wo zarre hain bayabanon ke

    wah kya nama-e-amal hain diwanon ke

    ki farishte liye TukDe hain garebanon ke

    hosh uDte hue dekhe nahin insanon ke

    lutf mai-KHanon mein aate hain pari-KHanon ke

    naqsh-e-pa rah nahin sakte tere diwanon ke

    ai junun sahn bahut tang hai zindanon ke

    par-e-parwaz bane KHud sharar-e-shama kabhi

    sharar-e-shama bane par kabhi parwanon ke

    apne kuche mein jo dekha to wo hans kar bole

    chhanne wale kahan aae bayabanon ke

    zikr kya ahl-e-junun ka ki jab aati hai bahaar

    wo to wo rang badal jate hain zindanon ke

    aaj but baiThe hain taqdir ke malik ban kar

    ab jo likkha ho muqaddar mein musalmanon ke

    baam tak tere zari'a hai rasai ki yahi

    dur se jhuk ke qadam lun tere darbanon ke

    un ke bikhre hue gesu nahin haTte ruKH se

    aaj nikle hain wo jhurmuT mein nigahbanon ke

    sath walon mein mere kohkan-o-qais bhi hain

    mere qisse nahin TukDe koi afsanon ke

    chashm-e-yaqub bane halqa-e-zanjir ki aankh

    kabhi taqdir se din phirte hain zindanon ke

    ghairat-e-haq ko ho kya josh jab aa'mal ye hain

    kam hai jo kuchh ho muqaddar mein musalmanon ke

    dur se dekh ke phirna wo mera ulTe panw

    uf wo badle hue tewar tere darbanon ke

    mah-o-anjum se Tapakta hai yahi raaton ko

    un mein TuTe hue saghar bhi hain mai-KHanon ke

    inhen Thukraate chalo hashr mein lutf aaega

    inhin qabron mein hain mare hue armanon ke

    nikli jati hai zamin panw ke niche se 'riyaz'

    kyun du'a ko na uThen hath musalmanon ke

    Source :
    ગુજરાતી ભાષા-સાહિત્યનો મંચ : રેખ્તા ગુજરાતી

    ગુજરાતી ભાષા-સાહિત્યનો મંચ : રેખ્તા ગુજરાતી

    મધ્યકાલથી લઈ સાંપ્રત સમય સુધીની ચૂંટેલી કવિતાનો ખજાનો હવે છે માત્ર એક ક્લિક પર. સાથે સાથે સાહિત્યિક વીડિયો અને શબ્દકોશની સગવડ પણ છે. સંતસાહિત્ય, ડાયસ્પોરા સાહિત્ય, પ્રતિબદ્ધ સાહિત્ય અને ગુજરાતના અનેક ઐતિહાસિક પુસ્તકાલયોના દુર્લભ પુસ્તકો પણ તમે રેખ્તા ગુજરાતી પર વાંચી શકશો

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now