gulshan-e-be-bahaar hain hum log

gulshan-e-be-bahār haiñ ham log

dāman-e-ḳhārzār haiñ ham log

chashm-e-kotāh-bīñ ko kyā hai ḳhabar

ḳhud hī apne shikār haiñ ham log

aa.ina bhī yaqīñ na kar paa.e

aise be-e'tibār haiñ ham log

kis qadar pur-sukūn hai duniyā

kis qadar be-qarār haiñ ham log

vaqt ke nā-tamām sahrā meñ

zindagī kā mazār haiñ ham log

aap apnī talāsh meñ gum haiñ

aap ḳhud se farār haiñ ham log

ai shab-e-intizār kī ḳhalvat

kyā tire rāzdār haiñ ham log

ahd-shkinī tire zamāne meñ

ahd-nā-pā.edār haiñ ham log

apne andar se haiñ faqat anqā

baaqī sab meñ shumār haiñ ham log

'shams' ḳhud ko hī bas nahīñ milte

ek DhūñDo hazār haiñ ham log

gulshan-e-be-bahaar hain hum log

daman-e-KHarzar hain hum log

chashm-e-kotah-bin ko kya hai KHabar

KHud hi apne shikar hain hum log

aaina bhi yaqin na kar pae

aise be-e'tibar hain hum log

kis qadar pur-sukun hai duniya

kis qadar be-qarar hain hum log

waqt ke na-tamam sahra mein

zindagi ka mazar hain hum log

aap apni talash mein gum hain

aap KHud se farar hain hum log

ai shab-e-intizar ki KHalwat

kya tere raazdar hain hum log

ahd-shkini tere zamane mein

ahd-na-paedar hain hum log

apne andar se hain faqat anqa

baqi sab mein shumar hain hum log

'shams' KHud ko hi bas nahin milte

ek DhunDo hazar hain hum log