gulzar-e-hast-e-bud na begana-war dekh

gulzār-e-hast-e-būd na begāna-vār dekh

hai dekhne kī chiiz ise baar baar dekh

aayā hai tū jahāñ meñ misāl-e-sharār dekh

dam de na jaa.e hastī-e-nā-pā.edār dekh

maanā ki terī diid ke qābil nahīñ huuñ maiñ

tū merā shauq dekh mirā intizār dekh

kholī haiñ zauq-e-dīd ne āñkheñ tirī agar

har rahguzar meñ naqsh-e-kaf-e-pā-e-yār dekh

gulzar-e-hast-e-bud na begana-war dekh

hai dekhne ki chiz ise bar bar dekh

aaya hai tu jahan mein misal-e-sharar dekh

dam de na jae hasti-e-na-paedar dekh

mana ki teri did ke qabil nahin hun main

tu mera shauq dekh mera intizar dekh

kholi hain zauq-e-did ne aankhen teri agar

har rahguzar mein naqsh-e-kaf-e-pa-e-yar dekh