guman tak mein na tha mahw-e-yas kar dega

gumān tak meñ na thā mahv-e-yās kar degā

vo yuuñ milegā ki mujh ko udaas kar degā

karam karegā mire haal par magar pahle

sharāratan vo mujhe ġham-shanās kar degā

shaguftagī-e-chaman par bahut ġhurūr na kar

ḳhizāñ kā daur tujhe bad-havās kar degā

gayā vo daur ki jab ḳhaar bhī mahakte the

ye daur vo hai jo phūloñ ko naas kar degā

vo hādsa jo abhī mere saath guzrā hai

sunoge tum to tumheñ bhī udaas kar degā

use ḳhabar ki mire donoñ haath ḳhālī haiñ

mujhe yaqīn hai vo iltimās kar degā

guman tak mein na tha mahw-e-yas kar dega

wo yun milega ki mujh ko udas kar dega

karam karega mere haal par magar pahle

shararatan wo mujhe gham-shanas kar dega

shaguftagi-e-chaman par bahut ghurur na kar

KHizan ka daur tujhe bad-hawas kar dega

gaya wo daur ki jab KHar bhi mahakte the

ye daur wo hai jo phulon ko nas kar dega

wo hadsa jo abhi mere sath guzra hai

sunoge tum to tumhein bhi udas kar dega

use KHabar ki mere donon hath KHali hain

mujhe yaqin hai wo iltimas kar dega