gumrahi mein nae rabte mil gae

gumrahī meñ na.e rābte mil ga.e

raah bhaTke hue qāfile mil ga.e

merī tanhā-ravī kā bharam miT gayā

ham-safar rāstoñ meñ na.e mil ga.e

jaane vaale isī moḌ par ek din

phir mileñge agar rāste mil ga.e

maiñ tire aur nazdīk aa jā.ūñgā

qurbatoñ meñ agar fāsle mil ga.e

terī tasvīr album se gum thī magar

ḳhat ka.ī tere likhe hue mil ga.e

jaane kyā baat thī aaj pardes meñ

ajnabī ajnabī se gale mil ga.e

aaj phir raat kī aañkh nam ho ga.ī

phir se ham ḳhvāb ko jāgte mil ga.e

gumrahi mein nae rabte mil gae

rah bhaTke hue qafile mil gae

meri tanha-rawi ka bharam miT gaya

ham-safar raston mein nae mil gae

jaane wale isi moD par ek din

phir milenge agar raste mil gae

main tere aur nazdik aa jaunga

qurbaton mein agar fasle mil gae

teri taswir album se gum thi magar

KHat kai tere likhe hue mil gae

jaane kya baat thi aaj pardes mein

ajnabi ajnabi se gale mil gae

aaj phir raat ki aankh nam ho gai

phir se hum KHwab ko jagte mil gae