gunah kya hai mera pahle inkishaf karo

gunāh kyā hai mirā pahle inkishāf karo

aur us ke baad sazā do yā phir muaaf karo

ye maiñ bhī maan hī lūñgā ki kuchh ġhalat thā maiñ

magar tum apnī bhī ġhalatī kā e'tirāf karo

chalo ki phir se na.e ishq kī kareñ shurūāt

chalo jo dil meñ kudūrat hai us ko saaf karo

uḌā rahūñgā idhar maiñ bhī nā-shanāsī par

udhar tum apne ta.alluq se inhirāf karo

mohabbatoñ meñ anā kaam kis ke aa.ī hai

har ek baat se merī na iḳhtilāf karo

ye ḳhānqāh-e-mohabbat hai dil mirā 'sāhil'

amal yahāñ jo karo aql ke ḳhilāf karo

gunah kya hai mera pahle inkishaf karo

aur us ke baad saza do ya phir muaf karo

ye main bhi man hi lunga ki kuchh ghalat tha main

magar tum apni bhi ghalati ka e'tiraf karo

chalo ki phir se nae ishq ki karen shuruat

chalo jo dil mein kudurat hai us ko saf karo

uDa rahunga idhar main bhi na-shanasi par

udhar tum apne talluq se inhiraf karo

mohabbaton mein ana kaam kis ke aai hai

har ek baat se meri na iKHtilaf karo

ye KHanqah-e-mohabbat hai dil mera 'sahil'

amal yahan jo karo aql ke KHilaf karo