gunahgar to rahmat ko munh dikha na saka

gunāhgār to rahmat ko muñh dikhā na sakā

jo be-gunāh thā vo bhī nazar milā na sakā

tarab hai sheva-e-rindān-e-āqibat-nā-shanās

jo gul na thā vo gulistāñ meñ muskurā na sakā

bahut ḳhafīf thī kaun-o-makāñ kī jalvagarī

mirī nigāh kā gosha bhī jagmagā na sakā

havāla-e-nigah-e-sharamgīñ huiiñ āḳhir

vo bijliyāñ jo kahīñ āsmāñ girā na sakā

badī.a-kār hai zehn-e-ḳhirad-pasand magar

tasavvurāt se tasvīr-e-ġham banā na sakā

ajab nahīñ ki gulistāñ meñ pā-ba-gil rah jaa.e

vo bad-nasīb jo ramz-e-ḳhirām pā na sakā

jiyā vo paak jo rakhtā thā ḳhār-e-pairāhan

jo gul ba-jaib thā dāman kabhī bachā na sakā

'nushūr' nāzukī-e-tab-e-sher kyā kahiye

jahāñ meñ rah ke zamāne ke naaz uThā na sakā

gunahgar to rahmat ko munh dikha na saka

jo be-gunah tha wo bhi nazar mila na saka

tarab hai shewa-e-rindan-e-aqibat-na-shanas

jo gul na tha wo gulistan mein muskura na saka

bahut KHafif thi kaun-o-makan ki jalwagari

meri nigah ka gosha bhi jagmaga na saka

hawala-e-nigah-e-sharamgin huin aaKHir

wo bijliyan jo kahin aasman gira na saka

badia-kar hai zehn-e-KHirad-pasand magar

tasawwuraat se taswir-e-gham bana na saka

ajab nahin ki gulistan mein pa-ba-gil rah jae

wo bad-nasib jo ramz-e-KHiram pa na saka

jiya wo pak jo rakhta tha KHar-e-pairahan

jo gul ba-jaib tha daman kabhi bacha na saka

'nushur' nazuki-e-tab-e-sher kya kahiye

jahan mein rah ke zamane ke naz uTha na saka