ghurur-e-bazm-e-tarab ko nami ne mar diya

ġhurūr-e-bazm-e-tarab ko namī ne maar diyā

hamāre zabt ko terī kamī ne maar diyā

dar-e-najaf se zarā iḳhtiyār hāsil kar

na kah sakegā kabhī bebasī ne maar diyā

darūn-e-ḳhāna-e-hastī ye kaisā shor uThā

badan meñ kaal paḌā bekalī ne maar diyā

qalam ne lauh pe sar rakh ke aisā girya kiyā

ġhazal ne bain kiye shā.irī ne maar diyā

duā jo maut kī māñgī to ye javāb milā

na mar sakā vo jise zindagī ne maar diyā

samajh rahā thā use hāsil-e-hayāt magar

uThā hijāb mujhe āgahī ne maar diyā

unhīñ pe hogī 'shajar' guftugū zamāne meñ

kuchh aise log jinheñ ḳhāmushī ne maar diyā

ghurur-e-bazm-e-tarab ko nami ne mar diya

hamare zabt ko teri kami ne mar diya

dar-e-najaf se zara iKHtiyar hasil kar

na kah sakega kabhi bebasi ne mar diya

darun-e-KHana-e-hasti ye kaisa shor uTha

badan mein kal paDa bekali ne mar diya

qalam ne lauh pe sar rakh ke aisa girya kiya

ghazal ne bain kiye shairi ne mar diya

dua jo maut ki mangi to ye jawab mila

na mar saka wo jise zindagi ne mar diya

samajh raha tha use hasil-e-hayat magar

uTha hijab mujhe aagahi ne mar diya

unhin pe hogi 'shajar' guftugu zamane mein

kuchh aise log jinhen KHamushi ne mar diya