ghurur-e-husn mein shahi jalal hota hai

ġhurūr-e-husn meñ shāhī jalāl hotā hai

parī-ruḳhoñ kā sabhī kuchh kamāl hotā hai

tarāsh aisī ki ruktī hai saañs dhaḌkan kī

phir us pe chalnā qayāmat kī chaal hotā hai

qasam ḳhudā kī ai lafzoñ se māvarā laḌkī

badan aur aisā badan ḳhāl-ḳhāl hotā hai

panāh bādaloñ meñ DhūñDhtā hai māh-e-tamām

jo be-hijāb vo zohra-jamāl hotā hai

ḳhudā hī jaane use chuum leñ to phir kyā ho

jo gaal naam se bose ke laal hotā hai

agar vo lab nazar aa.eñ to zulf bhī dekho

har ek daane pe maujūd jaal hotā hai

farishte dil nahīñ rakhte yaqīn aatā hai

kisī hasīn kā jab intiqāl hotā hai

duā hai ishq mirā terī ruuh tak pahuñche

yahī nashāt faqat lā-zavāl hotā hai

vafūr-e-ārzū dar-asl zindagānī hai

tamannā martī hai tab intiqāl hotā hai

nigāh-e-'qais' se dekho hamesha lailā ko

sanam kisī kā bhī ho be-misāl hotā hai

ghurur-e-husn mein shahi jalal hota hai

pari-ruKHon ka sabhi kuchh kamal hota hai

tarash aisi ki rukti hai sans dhaDkan ki

phir us pe chalna qayamat ki chaal hota hai

qasam KHuda ki ai lafzon se mawara laDki

badan aur aisa badan KHal-KHal hota hai

panah baadalon mein DhunDhta hai mah-e-tamam

jo be-hijab wo zohra-jamal hota hai

KHuda hi jaane use chum len to phir kya ho

jo gal nam se bose ke lal hota hai

agar wo lab nazar aaen to zulf bhi dekho

har ek dane pe maujud jal hota hai

farishte dil nahin rakhte yaqin aata hai

kisi hasin ka jab intiqal hota hai

dua hai ishq mera teri ruh tak pahunche

yahi nashat faqat la-zawal hota hai

wafur-e-arzu dar-asl zindagani hai

tamanna marti hai tab intiqal hota hai

nigah-e-'qais' se dekho hamesha laila ko

sanam kisi ka bhi ho be-misal hota hai