guzar chuka hai zamana visal karne ka
guzar chukā hai zamāna visāl karne kā
ye koī vaqt hai tere kamāl karne kā
burā na maan jo pahlū badal rahā huuñ maiñ
mirā tarīqa hai ye arz-e-hāl karne kā
mujhe udaas na kar varna saakh TūTegī
nahīñ hai tajraba mujh ko malāl karne kā
talāsh kar mire andar vajūd ko apne
irāda chhoḌ mujhe pā.emāl karne kā
ye ham jo ishq meñ bīmār paḌte rahte haiñ
ye ik sabab hai ta.alluq bahāl karne kā
ajiib shaḳhs thā lauTā gayā mirā sab kuchh
muāvza na liyā dekh-bhāl karne kā
phir is ke ba.ad hamesha hī chup rahe 'mohsin'
ḳhirāj denā paḌā arz-e-hāl karne kā
guzar chuka hai zamana visal karne ka
ye koi waqt hai tere kamal karne ka
bura na man jo pahlu badal raha hun main
mera tariqa hai ye arz-e-haal karne ka
mujhe udas na kar warna sakh TuTegi
nahin hai tajraba mujh ko malal karne ka
talash kar mere andar wajud ko apne
irada chhoD mujhe paemal karne ka
ye hum jo ishq mein bimar paDte rahte hain
ye ek sabab hai talluq bahaal karne ka
ajib shaKHs tha lauTa gaya mera sab kuchh
muawza na liya dekh-bhaal karne ka
phir is ke baad hamesha hi chup rahe 'mohsin'
KHiraj dena paDa arz-e-haal karne ka
- Book : shor bhi sannata bhi (rekhta website) (Pg. 126)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
