guzar chuki hai jo shab iztirab kaisa hai

guzar chukī hai jo shab iztirāb kaisā hai

ufuq pe hosh-rubā iltihāb kaisā hai

vajūdiyat kā ye rangīñ sarāb kaisā hai

har ek chehre pe mub.ham naqāb kaisā hai

raheñge marhale ta.azīr ke jo mar kar bhī

ye zindagī kā musalsal azaab kaisā hai

ḳhudā hī jaane ki din meñ tavīl raat ke baad

haiñ shab-gazīda jo sab ehtisāb kaisā hai

vo haal pūchhne aa.e to maiñ ḳhamosh rahā

savāl ḳhuub thā lekin javāb kaisā hai

kitāb laakh purānī sahī magar is par

chhapā hai ab jo nayā intisāb kaisā hai

hai ma.arifat kā safar āgahī se hairat tak

murāja.at kā jo ho irtikāb kaisā hai

vitā-e-kāhkashāñ par zamīñ ke baare meñ

jo bhīgī āñkhoñ ne dekhā vo ḳhvāb kaisā hai

maiñ jāntā huuñ magar tū bhī aa.ina le kar

mujhe batā ki mirā intiḳhāb kaisā hai

guzar chuki hai jo shab iztirab kaisa hai

ufuq pe hosh-ruba iltihab kaisa hai

wajudiyat ka ye rangin sarab kaisa hai

har ek chehre pe mubham naqab kaisa hai

rahenge marhale tazir ke jo mar kar bhi

ye zindagi ka musalsal azab kaisa hai

KHuda hi jaane ki din mein tawil raat ke baad

hain shab-gazida jo sab ehtisab kaisa hai

wo haal puchhne aae to main KHamosh raha

sawal KHub tha lekin jawab kaisa hai

kitab lakh purani sahi magar is par

chhapa hai ab jo naya intisab kaisa hai

hai marifat ka safar aagahi se hairat tak

murajat ka jo ho irtikab kaisa hai

wita-e-kahkashan par zamin ke bare mein

jo bhigi aankhon ne dekha wo KHwab kaisa hai

main jaanta hun magar tu bhi aaina le kar

mujhe bata ki mera intiKHab kaisa hai