guzar jate hain aa kar samne kya kya alam uske

guzar jaate haiñ aa kar sāmne kyā kyā alam us ke

Thaharne kā takalluf hī nahīñ karte qadam us ke

kabhī arzī hamārī bhī sunī jaatī thī majlis meñ

kabhī ham se bhī the mānūs altāf-o-karam us ke

qayāmat hai ki un ko bhī ināyat kah rahā hai dil

abhī tak jānte the jin ko ham zulm-o-sitam us ke

sunāte the shikasta dil kī aaheñ ek duuje ko

hamārā rāz-dāñ vo ban gayā thā aur ham us ke

muḳhālif āñdhiyoñ se Than ga.ī kuchh yuuñ parinde kī

nahīñ juz arsh jaagā raah meñ lene ko dam us ke

dayār-e-aish meñ us kā tasavvur tak nahīñ hotā

kaḌe hāloñ meñ sab khojā kiye naqsh-e-qadam us ke

koī mushkil baḌī ummīd se raste meñ haa.il thī

so ham bhī duur hī se dekhte the pech-o-ḳham us ke

guzar jate hain aa kar samne kya kya alam us ke

Thaharne ka takalluf hi nahin karte qadam us ke

kabhi arzi hamari bhi suni jati thi majlis mein

kabhi hum se bhi the manus altaf-o-karam us ke

qayamat hai ki un ko bhi inayat kah raha hai dil

abhi tak jaante the jin ko hum zulm-o-sitam us ke

sunate the shikasta dil ki aahen ek duje ko

hamara raaz-dan wo ban gaya tha aur hum us ke

muKHalif aandhiyon se Than gai kuchh yun parinde ki

nahin juz arsh jaga rah mein lene ko dam us ke

dayar-e-aish mein us ka tasawwur tak nahin hota

kaDe haalon mein sab khoja kiye naqsh-e-qadam us ke

koi mushkil baDi ummid se raste mein hail thi

so hum bhi dur hi se dekhte the pech-o-KHam us ke