guzar jate hain jo nazren bacha kar be-KHabar ho kar

guzar jaate haiñ jo nazreñ bachā kar be-ḳhabar ho kar

vo kyā darmāñ kareñge dard-e-dil kā chārāgar ho kar

nahīñ sayyād kā shikva yahī manzūr-e-qudrat thā

qafas hī meñ hameñ rahnā thā yuuñ be-bāl-o-par ho kar

zamāne-bhar meñ ho aa.e tumhārī diid kī ḳhātir

charāġh-e-ārzū ban kar tamannā-e-nazar ho kar

burā ho be-ḳhudī kā ham rahe mahrūm-e-nazzāra

guzarne ko hazāroñ baar vo guzre idhar ho kar

muqaddar meñ jo hotā hai likhā ho kar hī rahtā hai

mirī aaheñ palaT aa.iiñ falak se be-asar ho kar

kahāñ se kis tarah kis vaqt khiñch kar log aa pahuñche

vahīñ lagte ga.e mele koī guzrā jidhar ho kar

suḳhan-dānoñ ne lākhoñ sher kah Daale magar 'āqil'

nahīñ vo sher jo utre na dil meñ neshtar ho kar

guzar jate hain jo nazren bacha kar be-KHabar ho kar

wo kya darman karenge dard-e-dil ka chaaragar ho kar

nahin sayyaad ka shikwa yahi manzur-e-qudrat tha

qafas hi mein hamein rahna tha yun be-baal-o-par ho kar

zamane-bhar mein ho aae tumhaari did ki KHatir

charagh-e-arzu ban kar tamanna-e-nazar ho kar

bura ho be-KHudi ka hum rahe mahrum-e-nazzara

guzarne ko hazaron bar wo guzre idhar ho kar

muqaddar mein jo hota hai likha ho kar hi rahta hai

meri aahen palaT aain falak se be-asar ho kar

kahan se kis tarah kis waqt khinch kar log aa pahunche

wahin lagte gae mele koi guzra jidhar ho kar

suKHan-danon ne lakhon sher kah Dale magar 'aqil'

nahin wo sher jo utre na dil mein neshtar ho kar