guzar rahi hai magar KHase iztirab ke sath
guzar rahī hai magar ḳhāse iztirāb ke saath
ḳhayāl bhī nazar aane lage haiñ ḳhvāb ke saath
talāsh meñ huuñ kisī khurdure kināre kī
nibāh ab nahīñ hotā hubāb-o-āb ke saath
shab-e-firāq hai 'sīdhdhārth' kī tarah gum-sum
havās bhī hue ruḳhsat tire hijāb ke saath
ta.alluqāt kā tanqīd se hai yārāna
kisī kā zikr kare kaun ehtisāb ke saath
juḌī huī hai har ik shaḳhs kī 'fuzail' yahāñ
ġharaz kisī na kisī sāhab-e-nisāb ke saath
guzar rahi hai magar KHase iztirab ke sath
KHayal bhi nazar aane lage hain KHwab ke sath
talash mein hun kisi khurdure kinare ki
nibah ab nahin hota hubab-o-ab ke sath
shab-e-firaq hai 'sidhdhaarth' ki tarah gum-sum
hawas bhi hue ruKHsat tere hijab ke sath
talluqat ka tanqid se hai yarana
kisi ka zikr kare kaun ehtisab ke sath
juDi hui hai har ek shaKHs ki 'fuzail' yahan
gharaz kisi na kisi sahab-e-nisab ke sath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
