guzarne wali hawa ko bata diya gaya hai
guzarne vaalī havā ko batā diyā gayā hai
ki ḳhushbuoñ kā jazīra jalā diyā gayā hai
zamīñ kī aañkh kā naqsha banā diyā gayā hai
aur ek tiir fazā meñ chalā diyā gayā hai
usī ke dam se thā raushan sipāh-e-shab kā alam
vo chāñd jis ko zamīñ meñ dabā diyā gayā hai
vo ek raaz! jo muddat se raaz thā hī nahīñ
us ek raaz se parda uThā diyā gayā hai
tumheñ patā nahīñ ḳhāna-ba-dosh ummīdo?
nayā ilāqa sar-e-jāñ basā diyā gayā hai
jahāñ huā thā basārat kā qatl-e-ām 'nabīl'
vahāñ ik ā.ina-ḳhāna banā diyā gayā hai
guzarne wali hawa ko bata diya gaya hai
ki KHushbuon ka jazira jala diya gaya hai
zamin ki aankh ka naqsha bana diya gaya hai
aur ek tir faza mein chala diya gaya hai
usi ke dam se tha raushan sipah-e-shab ka alam
wo chand jis ko zamin mein daba diya gaya hai
wo ek raaz! jo muddat se raaz tha hi nahin
us ek raaz se parda uTha diya gaya hai
tumhein pata nahin KHana-ba-dosh ummido?
naya ilaqa sar-e-jaan basa diya gaya hai
jahan hua tha basarat ka qatl-e-am 'nabil'
wahan ek aaina-KHana bana diya gaya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
