guzishta shab hama-auqat gharq-e-jam rahe

guzishta shab hama-auqāt ġharq-e-jām rahe

kabhī ḳhudā se kabhī us se ham-kalām rahe

duā-e-āḳhir-e-shab meñ usī ko māñgā hai

jo qatl-e-harf-e-tamannā pe shād-kām rahe

kabhī jo aa.ī bhī takmīl-e-ārzū kī ghaḌī

jo nā-tamām the qisse vo nā-tamām rahe

diye saje raheñ palkoñ pe dil sulagtā rahe

vo aa.e yā ki na aa.e ye iltizām rahe

lahū lahū dil-o-jāñ hoñ par apne qātil kā

'shamīm' kuchh bhī ho malhūz ehtirām rahe

guzishta shab hama-auqat gharq-e-jam rahe

kabhi KHuda se kabhi us se ham-kalam rahe

dua-e-aKHir-e-shab mein usi ko manga hai

jo qatl-e-harf-e-tamanna pe shad-kaam rahe

kabhi jo aai bhi takmil-e-arzu ki ghaDi

jo na-tamam the qisse wo na-tamam rahe

diye saje rahen palkon pe dil sulagta rahe

wo aae ya ki na aae ye iltizam rahe

lahu lahu dil-o-jaan hon par apne qatil ka

'shamim' kuchh bhi ho malhuz ehtiram rahe