guzishtagan mein hamara shumar hone mein
guzishtagāñ meñ hamārā shumār hone meñ
ab aur vaqt hai kitnā ġhubār hone meñ
tū merā raaz bhī kaise chhupā gayā mujh se
tirā javāb nahīñ rāzdār hone meñ
ye qaid-ḳhāna bhī ik shab meñ kitnā phail gayā
ab aur der lagegī farār hone meñ
yahāñ kisī kā koī ġham-gusār kyuuñ hogā
ki fā.eda hī nahīñ ġham-gusār hone meñ
hai ek umr kā hāsil hamārī bekārī
gañvā.eñ kyuuñ ise masrūf-e-kār hone meñ
is ek ashk-e-nadāmat pe naaz kar ġhā.er
kahāñ ye baat ibādat-guzār hone meñ
guzishtagan mein hamara shumar hone mein
ab aur waqt hai kitna ghubar hone mein
tu mera raaz bhi kaise chhupa gaya mujh se
tera jawab nahin raazdar hone mein
ye qaid-KHana bhi ek shab mein kitna phail gaya
ab aur der lagegi farar hone mein
yahan kisi ka koi gham-gusar kyun hoga
ki faeda hi nahin gham-gusar hone mein
hai ek umr ka hasil hamari bekari
ganwaen kyun ise masruf-e-kar hone mein
is ek ashk-e-nadamat pe naz kar ghaer
kahan ye baat ibaadat-guzar hone mein
- Book : Ek Shaam Tumhare Hisse Ki (Pg. 77)
- Author : Kashif Husain Ghair
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
