guzra hai nagawar unhen be-kasi ka shor
guzrā hai nāgavār unheñ be-kasī kā shor
kānoñ meñ jin ke guuñj rahā hai ḳhushī kā shor
suntā nahīñ lahad meñ mujhe ḳhāmushī kā shor
tahtush-shu.ūr meñ hai abhī zindagī kā shor
mar mar ke maiñ ne apne farīze kiye adā
hai mere dam se aaj tirī bartarī kā shor
zanjīr-e-pā se laaj ġhulāmī kī rah ga.ī
har gaam par uThā hai mirī bandagī kā shor
haiñ qahqahe kisī ke kisī kī haiñ siskiyāñ
shāmil rahā ḳhushī meñ kisī bebasī kā shor
maanā har anjuman kā tarāna hai dil-navāz
'shamsī' hameñ aziiz hai apnī galī kā shor
guzra hai nagawar unhen be-kasi ka shor
kanon mein jin ke gunj raha hai KHushi ka shor
sunta nahin lahad mein mujhe KHamushi ka shor
tahtush-shuur mein hai abhi zindagi ka shor
mar mar ke main ne apne farize kiye ada
hai mere dam se aaj teri bartari ka shor
zanjir-e-pa se laj ghulami ki rah gai
har gam par uTha hai meri bandagi ka shor
hain qahqahe kisi ke kisi ki hain siskiyan
shamil raha KHushi mein kisi bebasi ka shor
mana har anjuman ka tarana hai dil-nawaz
'shamsi' hamein aziz hai apni gali ka shor
- Book : Shora-e-London (Pg. 130)
- Author : Jauhar Zahiri
- Publication : Books From India (U.K) Ltd. 45, Museum Street, Londan W.C-1 (1985)
- Edition : 1985
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
