guzre hue lamhat ko ab DhunD raha hun

guzre hue lamhāt ko ab DhūñD rahā huuñ

maiñ apne muqaddar meñ ġhazab DhūñD rahā huuñ

sajde kā sabab jaan ke shīrīñ hai pareshāñ

farhād ne kah Daalā ke rab DhūñD rahā huuñ

vo haiñ ki nibhāne bhī lage vasl ke ādāb

maiñ huuñ ki taġhāful kā sabab DhūñD rahā huuñ

zālim mujhe phir saikḌoñ ġham dene lagā hai

maiñ zindagī meñ ek ḳhushī jab DhūñD rahā huuñ

kyuuñ mujh ko suḳhanvar kaho pāgal na kaho tum

har bazm meñ jo bazm-e-adab DhūñD rahā huuñ

āzurda thī ġhurbat meñ mire dost kī hijrat

kuchh maiñ bhī pareshāñ huuñ arab DhūñD rahā huuñ

bas ek pata hī to mujhe yaad hai 'az.har'

dīvāna hai kyā tujh ko maiñ kab DhūñD rahā huuñ

guzre hue lamhat ko ab DhunD raha hun

main apne muqaddar mein ghazab DhunD raha hun

sajde ka sabab jaan ke shirin hai pareshan

farhad ne kah Dala ke rab DhunD raha hun

wo hain ki nibhane bhi lage wasl ke aadab

main hun ki taghaful ka sabab DhunD raha hun

zalim mujhe phir saikDon gham dene laga hai

main zindagi mein ek KHushi jab DhunD raha hun

kyun mujh ko suKHanwar kaho pagal na kaho tum

har bazm mein jo bazm-e-adab DhunD raha hun

aazurda thi ghurbat mein mere dost ki hijrat

kuchh main bhi pareshan hun arab DhunD raha hun

bas ek pata hi to mujhe yaad hai 'azhar'

diwana hai kya tujh ko main kab DhunD raha hun