hadisa qahr-o-ghazab tegh-o-tabar le lena

hādisa qahr-o-ġhazab teġh-o-tabar le lenā

maut kā shahr hai jiine kā hunar le lenā

kaun jaane ki shab-e-tār Dhale yā na Dhale

dil ke zaḳhmoñ hī se taskīn-e-sahar le lenā

tanhā is shahr meñ nikloge to luT jāoge

kaun hamdard koī ahl-e-safar le lenā

mere kirdār ko ā.īna dikhāne vaalo

jā.eza apne bhī dāman kā magar le lenā

aaj le aa.egā 'kaifī' vo asāsa ġham kā

ek ne'mat hai jo be-ḳhauf-o-ḳhatar le lenā

hadisa qahr-o-ghazab tegh-o-tabar le lena

maut ka shahr hai jine ka hunar le lena

kaun jaane ki shab-e-tar Dhale ya na Dhale

dil ke zaKHmon hi se taskin-e-sahar le lena

tanha is shahr mein nikloge to luT jaoge

kaun hamdard koi ahl-e-safar le lena

mere kirdar ko aaina dikhane walo

jaeza apne bhi daman ka magar le lena

aaj le aaega 'kaifi' wo asasa gham ka

ek ne'mat hai jo be-KHauf-o-KHatar le lena