hadse umr-bhar aazmate rahe
hādse umr-bhar āzmāte rahe
choT khā khā ke ham muskurāte rahe
yuuñ guzartā rahā zindagī kā safar
bin tumhāre qadam Dagmagāte rahe
āñdhiy.oñ se adāvat rahī umr-bhar
ham havāoñ meñ dīpak jalāte rahe
hajj-o-tīrath ko jaane se kyā fā.eda
gar buzurgoñ kā dil ham dukhāte rahe
baañT degī siyāsat hameñ do taraf
ham jo mandir aur masjid banāte rahe
'dev' piine kā jis ko salīqa na thā
mai-kade un kī qismat meñ aate rahe
hadse umr-bhar aazmate rahe
choT kha kha ke hum muskuraate rahe
yun guzarta raha zindagi ka safar
bin tumhaare qadam Dagmagate rahe
aandhiyon se adawat rahi umr-bhar
hum hawaon mein dipak jalate rahe
hajj-o-tirath ko jaane se kya faeda
gar buzurgon ka dil hum dukhate rahe
banT degi siyasat hamein do taraf
hum jo mandir aur masjid banate rahe
'dew' pine ka jis ko saliqa na tha
mai-kade un ki qismat mein aate rahe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
