hae sharm-e-dilbari us dilruba ke hath hai

haa.e sharm-e-dilbarī us dilrubā ke haath hai

is vafā kī aabrū us bevafā ke haath hai

jāntā hai kaam bande kā ḳhudā ke haath hai

dil mirā khulnā tire band-e-qabā ke haath hai

āh-e-girya saath hoñ ġhurbat meñ jab aatā hai dhyān

bekasī kahtī hai ye āb-o-havā ke haath hai

kab tak aaoge adam meñ pūchhte haiñ rāh-rau

kis se kahiye us taraf aanā qazā ke haath hai

haath uThātā huuñ ḳhudā ke sāmne maiñ ai 'rashīd'

DhūñDhnā bāb-e-ijābat ko duā ke haath hai

hae sharm-e-dilbari us dilruba ke hath hai

is wafa ki aabru us bewafa ke hath hai

jaanta hai kaam bande ka KHuda ke hath hai

dil mera khulna tere band-e-qaba ke hath hai

aah-e-girya sath hon ghurbat mein jab aata hai dhyan

bekasi kahti hai ye aab-o-hawa ke hath hai

kab tak aaoge adam mein puchhte hain rah-rau

kis se kahiye us taraf aana qaza ke hath hai

hath uThata hun KHuda ke samne main ai 'rashid'

DhunDhna bab-e-ijabat ko dua ke hath hai