hae wo log jo the ruh-o-rawan-e-dehli

haa.e vo log jo the rūh-o-ravān-e-dehlī

tā-dar-e-ḳhuld ga.e kar ke gumān-e-dehlī

ḳharra muusā sa.iqā kī hai tajallī paidā

buqa-e-nūr hai har ek makān-e-dehlī

chandni-chowk ko siina kaheñ aur qil.a ko sar

masjid-e-jāme ko Thahrā.eñ miyān-e-dehlī

lām-e-dehlī alam-o-hā.e kā shosha-e-parcham

ab to baaqī hai faqat nām-o-nishān-e-dehlī

kyā koī fitna hai ai charḳh-e-sitamgar baaqī

chashm-e-ḳhurshīd se kyuuñ hai nigrān-e-dehlī

ġham-e-barbādī-e-dehlī meñ bajā.e mai-e-nāb

ḳhūn-e-dil piite haiñ ab bāda-kashān-e-dehlī

ye mohabbat hai mujhe yaañ se ki ba.ad az murdan

rauzan-e-qabr se bhī huuñ nigrān-e-dehlī

kyā ajab hai ki yahī ḳhuld meñ bolī jaave

ahl-e-jannat ke pasand aa.e zabān-e-dehlī

siina 'ahsan' kā jo chīrā to ba-qaul-e-rizvāñ

dil-e-ḳhūñ-gashta pe hai dāġh-e-zabān-e-dehlī

hae wo log jo the ruh-o-rawan-e-dehli

ta-dar-e-KHuld gae kar ke guman-e-dehli

KHarra musa saiqa ki hai tajalli paida

buqa-e-nur hai har ek makan-e-dehli

chandni-chowk ko sina kahen aur qila ko sar

masjid-e-jame ko Thahraen miyan-e-dehli

lam-e-dehli alam-o-hae ka shosha-e-parcham

ab to baqi hai faqat nam-o-nishan-e-dehli

kya koi fitna hai ai charKH-e-sitamgar baqi

chashm-e-KHurshid se kyun hai nigran-e-dehli

gham-e-barbaadi-e-dehli mein bajae mai-e-nab

KHun-e-dil pite hain ab baada-kashan-e-dehli

ye mohabbat hai mujhe yan se ki baad az murdan

rauzan-e-qabr se bhi hun nigran-e-dehli

kya ajab hai ki yahi KHuld mein boli jawe

ahl-e-jannat ke pasand aae zaban-e-dehli

sina 'ahsan' ka jo chira to ba-qaul-e-rizwan

dil-e-KHun-gashta pe hai dagh-e-zaban-e-dehli