hae wo muskurae jate hain

haa.e vo muskurā.e jaate haiñ

do-jahāñ laḌkhaḌā.e jaate haiñ

ātishīñ husn daraḳhshanda jabīñ

mah-o-anjum pe chhā.e jaate haiñ

uf vo tāroñ kī mast chhāñv meñ

aap hī muskurā.e jaate haiñ

har tabassum hai ek afsāna

jis ko hañs kar sunā.e jaate haiñ

haa.e un mast añkhḌiyoñ kī qasam

do-jahāñ ko pilā.e jaate haiñ

mere rañgīn sheroñ ko 'parvez'

mujh se chhup kar vo gaay jaate haiñ

hae wo muskurae jate hain

do-jahan laDkhaDae jate hain

aatishin husn daraKHshanda jabin

mah-o-anjum pe chhae jate hain

uf wo taron ki mast chhanw mein

aap hi muskurae jate hain

har tabassum hai ek afsana

jis ko hans kar sunae jate hain

hae un mast ankhDiyon ki qasam

do-jahan ko pilae jate hain

mere rangin sheron ko 'parwez'

mujh se chhup kar wo gay jate hain