haal-e-dil-e-tabah kisi ne suna kahan

hāl-e-dil-e-tabāh kisī ne sunā kahāñ

pūchhe magar koī to lab-e-mudda.ā kahāñ

tai kar rahā huuñ ḳhvāb-o-haqīqat ke fāsle

maanā ki maiñ kahāñ tirī āvāz-e-pā kahāñ

aalam tamām pairahan-e-tār-tār hai

mahshar sukūt-e-nīm-shabī kā uThā kahāñ

vo dard justujū-e-gul-e-naġhma thī jise

ḳhud apne reg-zār meñ gum ho gayā kahāñ

is darja be-ruḳhī pe pashemāñ na ho koī

ḳhud mujh ko ehtirām-e-shu.ūr-e-vafā kahāñ

haal-e-dil-e-tabah kisi ne suna kahan

puchhe magar koi to lab-e-muddaa kahan

tai kar raha hun KHwab-o-haqiqat ke fasle

mana ki main kahan teri aawaz-e-pa kahan

aalam tamam pairahan-e-tar-tar hai

mahshar sukut-e-nim-shabi ka uTha kahan

wo dard justuju-e-gul-e-naghma thi jise

KHud apne reg-zar mein gum ho gaya kahan

is darja be-ruKHi pe pasheman na ho koi

KHud mujh ko ehtiram-e-shuur-e-wafa kahan