haal-e-dil kuchh jo sar-e-bazm kaha hai maine

hāl-e-dil kuchh jo sar-e-bazm kahā hai maiñ ne

vo ye samjhe haiñ ki ilzām diyā hai maiñ ne

muñh to pherā hai kabhī ye bhī to sochā hotā

tumheñ chāhā hai tumheñ pyaar kiyā hai maiñ ne

lā sakoge sar-e-peshānī vo tābānī-o-nūr

tumheñ ash.ār meñ jo baḳhsh diyā hai maiñ ne

kyā kahīñ siikh liye haiñ na.e andāz-e-fareb

bāñdhte ho na.e paimāñ ye sunā hai maiñ ne

tum ne duniyā kī tarah aañkh firā.ī hai to kyā

ye bhī ik jabr isī dil pe sahā hai maiñ ne

zabt kī daad na dī koī zamāne ne mujhe

ḳhuun kā ghūñT ba-har-hāl piyā hai maiñ ne

ye ġham-e-talḳhī-e-daurāñ ye mohabbat kā junūñ

ḳhuub ye dard bhī ik mol liyā hai maiñ ne

haal-e-dil kuchh jo sar-e-bazm kaha hai main ne

wo ye samjhe hain ki ilzam diya hai main ne

munh to phera hai kabhi ye bhi to socha hota

tumhein chaha hai tumhein pyar kiya hai main ne

la sakoge sar-e-peshani wo tabani-o-nur

tumhein ashaar mein jo baKHsh diya hai main ne

kya kahin sikh liye hain nae andaz-e-fareb

bandhte ho nae paiman ye suna hai main ne

tum ne duniya ki tarah aankh firai hai to kya

ye bhi ek jabr isi dil pe saha hai main ne

zabt ki dad na di koi zamane ne mujhe

KHun ka ghunT ba-har-haal piya hai main ne

ye gham-e-talKHi-e-dauran ye mohabbat ka junun

KHub ye dard bhi ek mol liya hai main ne