haalat ki masnad se utar jaenge ek din

hālāt kī masnad se utar jā.eñge ik din

arzānī-e-vahshat meñ hī mar jā.eñge ik din

yuuñ diid ko apnī hameñ tarsāo na varna

mar jā.eñge mar jā.eñge mar jā.eñge ik din

ye aas bahut hai ki tire dast sitam se

jitne bhī mile ghaav haiñ bhar jā.eñge ik din

har shaam jo aa jaate haiñ mahfil ko sajāne

ye dost hamāre bhī bikhar jā.eñge ik din

ye phuul jo gulshan meñ tar-o-tāza khile haiñ

patjhaḌ kī havāoñ se bikhar jā.eñge ik din

ham ahl-e-mohabbat sabab-e-shām-o-sahar haiñ

ham dil se zamāne ke utar jā.eñge ik din

ham ḳhvāb-nigārāñ haiñ sadā zinda raheñge

kahne ko agar jaañ se guzar jā.eñge ik din

haalat ki masnad se utar jaenge ek din

arzani-e-wahshat mein hi mar jaenge ek din

yun did ko apni hamein tarsao na warna

mar jaenge mar jaenge mar jaenge ek din

ye aas bahut hai ki tere dast sitam se

jitne bhi mile ghaw hain bhar jaenge ek din

har sham jo aa jate hain mahfil ko sajaane

ye dost hamare bhi bikhar jaenge ek din

ye phul jo gulshan mein tar-o-taza khile hain

patjhaD ki hawaon se bikhar jaenge ek din

hum ahl-e-mohabbat sabab-e-sham-o-sahar hain

hum dil se zamane ke utar jaenge ek din

hum KHwab-nigaran hain sada zinda rahenge

kahne ko agar jaan se guzar jaenge ek din