haalat kya ye tere bichhaDne se ho gae

hālāt kyā ye tere bichhaḌne se ho ga.e

lagtā hai jaise ham kisī mele meñ kho ga.e

āñkheñ baras ga.iiñ to sukūñ dil ko mil gayā

bādal to sirf sūkhī zamīneñ bhigo ga.e

kitnī kahāniyoñ se milā zindagī ko husn

kitne fasāne vaqt kī chādar meñ so ga.e

āñkhoñ se niiñd rūThī to nuqsān ye huā

mere hazāroñ ḳhvāb mire dil meñ so ga.e

'mansūr' muddatoñ se mujhe un kī hai talāsh

nafrat ke biij mere chaman meñ jo bo ga.e

haalat kya ye tere bichhaDne se ho gae

lagta hai jaise hum kisi mele mein kho gae

aankhen baras gain to sukun dil ko mil gaya

baadal to sirf sukhi zaminen bhigo gae

kitni kahaniyon se mila zindagi ko husn

kitne fasane waqt ki chadar mein so gae

aankhon se nind ruThi to nuqsan ye hua

mere hazaron KHwab mere dil mein so gae

'mansur' muddaton se mujhe un ki hai talash

nafrat ke bij mere chaman mein jo bo gae