haalat-e-haal main kya ro ke sunaun tujhko

hālat-e-hāl maiñ kyā ro ke sunā.ūñ tujh ko

tū nazar aa.e to palkoñ pe biThā.ūñ tujh ko

ḳhud ko is hosh meñ mad.hosh banāne ke liye

āyat-e-husn paḌhūñ dekhtā jā.ūñ tujh ko

tū nahīñ māntā miTTī kā dhuāñ ho jaanā

to abhī raqs karūñ ho ke dikhā.ūñ tujh ko

kar liyā ek mohabbat pe guzārā maiñ ne

chāhtā thā ki maiñ puurā bhī to aa.uuñ tujh ko

ab mirā ishq dhamāloñ se kahīñ aage hai

ab zarūrī hai ki maiñ vajd meñ lā.ūñ tujh ko

kyuuñ kisī aur kī āñkhoñ kā qasīda likkhūñ

kyuuñ kisī aur kī mid.hat se jalā.ūñ tujh ko

ain mumkin hai tire ishq meñ zam ho jā.ūñ

aur phir dhyān kī jannat meñ na lā.ūñ tujh ko

us ne ik baar mujhe pyaar se bolā thā 'sa.īd'

merā dil hai kabhī siine se lagā.ūñ tujh ko

haalat-e-haal main kya ro ke sunaun tujh ko

tu nazar aae to palkon pe biThaun tujh ko

KHud ko is hosh mein madhosh banane ke liye

aayat-e-husn paDhun dekhta jaun tujh ko

tu nahin manta miTTi ka dhuan ho jaana

to abhi raqs karun ho ke dikhaun tujh ko

kar liya ek mohabbat pe guzara main ne

chahta tha ki main pura bhi to aaun tujh ko

ab mera ishq dhamalon se kahin aage hai

ab zaruri hai ki main wajd mein laun tujh ko

kyun kisi aur ki aankhon ka qasida likkhun

kyun kisi aur ki midhat se jalaun tujh ko

ain mumkin hai tere ishq mein zam ho jaun

aur phir dhyan ki jannat mein na laun tujh ko

us ne ek bar mujhe pyar se bola tha 'said'

mera dil hai kabhi sine se lagaun tujh ko