han tere pyar ki bahaar hun main

haañ tire pyaar kī bahār huuñ maiñ

is kahānī kā iḳhtisār huuñ maiñ

be-qarārī meñ ik qarār huuñ maiñ

zarre-zarre se āshkār huuñ maiñ

ai mirī ziist kī hasīñ ummīd

sub.h kā terī e'tibār huuñ maiñ

mish.al-e-rāh zindagī hai tū

aur manzil kī rāzdār huuñ maiñ

kaun jānegā kaun samjhegā

kis qadar kitnī be-qarār huuñ maiñ

mirī āñkhoñ kī raushnī hai tū

tū hai sūraj tirā hisār huuñ maiñ

zulmatoñ ke ḳhilāf ai 'rāje'

ek shamshīr-e-āb-dār huuñ maiñ

han tere pyar ki bahaar hun main

is kahani ka iKHtisar hun main

be-qarari mein ek qarar hun main

zarre-zarre se aashkar hun main

ai meri zist ki hasin ummid

subh ka teri e'tibar hun main

mishal-e-rah zindagi hai tu

aur manzil ki raazdar hun main

kaun jaanega kaun samjhega

kis qadar kitni be-qarar hun main

meri aankhon ki raushni hai tu

tu hai suraj tera hisar hun main

zulmaton ke KHilaf ai 'raje'

ek shamshir-e-ab-dar hun main