han ye badli kali kali jaegi

haañ ye badlī kaalī kaalī jā.egī

pāk-bāzoñ meñ bhī Dhālī jā.egī

tauba kī rindoñ meñ gunjā.ish kahāñ

jab ye aa.egī nikālī jā.egī

kuchh balā-nosh aa ga.e bhaTTī meñ shaiḳh

terī botal aaj ḳhālī jā.egī

phuul kyā Dāloge turbat par mirī

ḳhaak bhī tum se na Daalī jā.egī

jā.iye ham apnā bahlā leñge dil

dil-lagī koī nikālī jā.egī

aa.e bhī to vo 'mubārak' aa.e kyā

jaane kī tamhīd Daalī jā.egī

han ye badli kali kali jaegi

pak-bazon mein bhi Dhaali jaegi

tauba ki rindon mein gunjaish kahan

jab ye aaegi nikali jaegi

kuchh bala-nosh aa gae bhaTTi mein shaiKH

teri botal aaj KHali jaegi

phul kya Daloge turbat par meri

KHak bhi tum se na Dali jaegi

jaiye hum apna bahla lenge dil

dil-lagi koi nikali jaegi

aae bhi to wo 'mubarak' aae kya

jaane ki tamhid Dali jaegi