hasil-e-fan hai bas kalam ki dad

hāsil-e-fan hai bas kalām kī daad

varna miltī hai sab ko naam kī daad

kis qadar be-ruḳhī se miltā hai

dushman-e-jāñ tire salām kī daad

jurm ġhurbat pe jā ke lagtā hai

vaise bantī hai is nizām kī daad

ḳhūbsūrat hai kā.enāt bahut

ḳhāliq-e-husn-e-intizām kī daad

ishq miltā hai hijr ke hī evaz

ai dukāñ-dār tere daam kī daad

mai-kade se nikalte miltī hai

hosh vāloñ ko mere jaam kī daad

aap ne naqs to nikālā nahīñ

aap kī daad kab hai kaam kī daad

sahtī rahtī huuñ vahshateñ 'mariyam'

sub.h miltī hai mujh ko shaam kī daad

hasil-e-fan hai bas kalam ki dad

warna milti hai sab ko nam ki dad

kis qadar be-ruKHi se milta hai

dushman-e-jaan tere salam ki dad

jurm ghurbat pe ja ke lagta hai

waise banti hai is nizam ki dad

KHubsurat hai kaenat bahut

KHaliq-e-husn-e-intizam ki dad

ishq milta hai hijr ke hi ewaz

ai dukan-dar tere dam ki dad

mai-kade se nikalte milti hai

hosh walon ko mere jam ki dad

aap ne naqs to nikala nahin

aap ki dad kab hai kaam ki dad

sahti rahti hun wahshaten 'mariyam'

subh milti hai mujh ko sham ki dad