hasil-e-gham yahi samajhte hain
hāsil-e-ġham yahī samajhte haiñ
maut ko zindagī samajhte haiñ
jis ko tere alam se nisbat hai
ham usī ko ḳhushī samajhte haiñ
tum sitam meñ kamī na farmāo
ham ise dushmanī samajhte haiñ
ham charāġhoñ meñ chāñd tāroñ ke
aap kī raushnī samajhte haiñ
shaiḳh jī haiñ farishtoñ ke ustād
aap unheñ aadmī samajhte haiñ
husn-e-mauzūñ ke zikr ko 'anvar'
maqsad-e-shā.irī samajhte haiñ
hasil-e-gham yahi samajhte hain
maut ko zindagi samajhte hain
jis ko tere alam se nisbat hai
hum usi ko KHushi samajhte hain
tum sitam mein kami na farmao
hum ise dushmani samajhte hain
hum charaghon mein chand taron ke
aap ki raushni samajhte hain
shaiKH ji hain farishton ke ustad
aap unhen aadmi samajhte hain
husn-e-mauzun ke zikr ko 'anwar'
maqsad-e-shairi samajhte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
