hasil-e-umr hai jo ek kasak baqi hai
hāsil-e-umr hai jo ek kasak baaqī hai
merī sāñsoñ meñ abhī terī mahak baaqī hai
mujh se kyā chhīn sakā tū ki abhī tak mere
paañv ke nīche zamīñ sar pe falak baaqī hai
phir tujhe aur mujhe aur kahīñ jaanā hai
ham-safar saath to chal jitnī saḌak baaqī hai
ye koī kam to nahīñ dost judā ho kar bhī
apne lahje meñ shikāyat kī jhalak baaqī hai
is se behtar thā mujhe rāh-nashīnī kā yaqīñ
kaisī manzil hai pahuñchne pe bhī shak baaqī hai
terī har shaam sitāroñ se sajānā hai mujhe
jab tak āñkhoñ pe mirī ik bhī palak baaqī hai
hasil-e-umr hai jo ek kasak baqi hai
meri sanson mein abhi teri mahak baqi hai
mujh se kya chhin saka tu ki abhi tak mere
panw ke niche zamin sar pe falak baqi hai
phir tujhe aur mujhe aur kahin jaana hai
ham-safar sath to chal jitni saDak baqi hai
ye koi kam to nahin dost juda ho kar bhi
apne lahje mein shikayat ki jhalak baqi hai
is se behtar tha mujhe rah-nashini ka yaqin
kaisi manzil hai pahunchne pe bhi shak baqi hai
teri har sham sitaron se sajaana hai mujhe
jab tak aankhon pe meri ek bhi palak baqi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
