hath diya isne mere hath mein

haath diyā is ne mire haath meñ

maiñ to valī ban gayā ik raat meñ

ishq karoge to kamāoge naam

tohmateñ baTtī nahīñ ḳhairāt meñ

ishq burī shai sahī par dosto

daḳhl na do tum mirī har baat meñ

mujh pe tavajjoh hai sab āfāt kī

koī kashish to hai mirī zaat meñ

rāh-numā thā mirā ik sāmrī

kho gayā maiñ shahr-e-tilismāt meñ

mujh ko lagā aam sā ik aadmī

aayā vo jab kaam ke auqāt meñ

shaam kī gul-rañg havā kyā chalī

dard mahakne lagā jazbāt meñ

haath meñ kāġhaz kī liye chhatriyāñ

ghar se na niklā karo barsāt meñ

rabt baḌhāyā na 'qatīl' is liye

farq thā donoñ ke ḳhayālāt meñ

hath diya is ne mere hath mein

main to wali ban gaya ek raat mein

ishq karoge to kamaoge nam

tohmaten baTti nahin KHairaat mein

ishq buri shai sahi par dosto

daKHl na do tum meri har baat mein

mujh pe tawajjoh hai sab aafat ki

koi kashish to hai meri zat mein

rah-numa tha mera ek samri

kho gaya main shahr-e-tilismat mein

mujh ko laga aam sa ek aadmi

aaya wo jab kaam ke auqat mein

sham ki gul-rang hawa kya chali

dard mahakne laga jazbaat mein

hath mein kaghaz ki liye chhatriyan

ghar se na nikla karo barsat mein

rabt baDhaya na 'qatil' is liye

farq tha donon ke KHayalat mein