hath mein KHanjar aa sakta hai

haath meñ ḳhanjar aa saktā hai

yā phir sāġhar aa saktā hai

āñkheñ zaḳhmī ho saktī haiñ

zarra uḌ kar aa saktā hai

chhat ke uupar sone vaale

sūraj sar par aa saktā hai

ḳhvāb meñ aane vaalā ik din

ḳhvāb se bāhar aa saktā hai

kaalā jaadū karne vaalā

mash.al le kar aa saktā hai

saare manzar chhup sakte haiñ

aisā manzar aa saktā hai

shāyad koī aane vaalā

lamha behtar aa saktā hai

ghar kā rasta bhūlne vaalā

chaurāhe par aa saktā hai

miTTī hijrat kar saktī hai

dariyā chal kar aa saktā hai

hath mein KHanjar aa sakta hai

ya phir saghar aa sakta hai

aankhen zaKHmi ho sakti hain

zarra uD kar aa sakta hai

chhat ke upar sone wale

suraj sar par aa sakta hai

KHwab mein aane wala ek din

KHwab se bahar aa sakta hai

kala jadu karne wala

mashal le kar aa sakta hai

sare manzar chhup sakte hain

aisa manzar aa sakta hai

shayad koi aane wala

lamha behtar aa sakta hai

ghar ka rasta bhulne wala

chaurahe par aa sakta hai

miTTi hijrat kar sakti hai

dariya chal kar aa sakta hai