hath se dil ro ke khona yaad hai

haath se dil ro ke khonā yaad hai

apnī kashtī ko Dubonā yaad hai

muñh chhupā kar mujh ko ronā yaad hai

vo ḳhajil har ik se honā yaad hai

hijr meñ vo jaan khonā yaad hai

sub.h honā shaam honā yaad hai

marte marte haath siine par rahe

dard kā tham tham ke honā yaad hai

kyuuñ jahāñ meñ aa.e the samjhe na kuchh

un kā hañsnā apnā ronā yaad hai

jāgnā apnā nahīñ bholā huuñ maiñ

aur saare ghar kā sonā yaad hai

marte dam duniyā nihāyat tañg thī

qabr kā vo ek konā yaad hai

kaun thā bālīñ pe mast-e-ḳhvāb-e-nāz

sham.a kā ruḳhsat vo honā yaad hai

dil meñ paanī ne lagā dī aag aaj

vo hinā.ī haath dhonā yaad hai

kab na thā 'jāved' aahoñ meñ asar

pher kar muñh un kā ronā yaad hai

hath se dil ro ke khona yaad hai

apni kashti ko Dubona yaad hai

munh chhupa kar mujh ko rona yaad hai

wo KHajil har ek se hona yaad hai

hijr mein wo jaan khona yaad hai

subh hona sham hona yaad hai

marte marte hath sine par rahe

dard ka tham tham ke hona yaad hai

kyun jahan mein aae the samjhe na kuchh

un ka hansna apna rona yaad hai

jagna apna nahin bhola hun main

aur sare ghar ka sona yaad hai

marte dam duniya nihayat tang thi

qabr ka wo ek kona yaad hai

kaun tha baalin pe mast-e-KHwab-e-naz

shama ka ruKHsat wo hona yaad hai

dil mein pani ne laga di aag aaj

wo hinai hath dhona yaad hai

kab na tha 'jawed' aahon mein asar

pher kar munh un ka rona yaad hai