hath sine pe mere rakh ke kidhar dekhte ho

haath siine pe mire rakh ke kidhar dekhte ho

ik nazar dil se idhar dekh lo gar dekhte ho

hai dam-e-bāz-pasīñ dekh lo gar dekhte ho

ā.īna muñh pe mire rakh ke kidhar dekhte ho

nā-tavānī kā mirī mujh se na pūchho ahvāl

ho mujhe dekhte yā apnī kamar dekhte ho

par-e-parvāna paḌe haiñ shajar-e-sham.a ke gird

barg-rezi-e-mohabbat kā samar dekhte ho

bed-e-majnūñ ko ho jab dekhte ai ahl-e-nazar

kisī majnūñ ko bhī āshufta-basar dekhte ho

shauq-e-dīdār mirī naash pe aa kar bolā

kis kī ho dekhte raah aur kidhar dekhte ho

lazzat-e-nāvak-e-ġham 'zauq' se ho pūchhte kyā

lab paḌe chāTte haiñ zaḳhm-e-jigar dekhte ho

hath sine pe mere rakh ke kidhar dekhte ho

ek nazar dil se idhar dekh lo gar dekhte ho

hai dam-e-baz-pasin dekh lo gar dekhte ho

aaina munh pe mere rakh ke kidhar dekhte ho

na-tawani ka meri mujh se na puchho ahwal

ho mujhe dekhte ya apni kamar dekhte ho

par-e-parwana paDe hain shajar-e-shama ke gird

barg-rezi-e-mohabbat ka samar dekhte ho

bed-e-majnun ko ho jab dekhte ai ahl-e-nazar

kisi majnun ko bhi aashufta-basar dekhte ho

shauq-e-didar meri nash pe aa kar bola

kis ki ho dekhte rah aur kidhar dekhte ho

lazzat-e-nawak-e-gham 'zauq' se ho puchhte kya

lab paDe chaTte hain zaKHm-e-jigar dekhte ho