had-e-ufuq par sara kuchh viran ubharta aata hai
had-e-ufuq par saarā kuchh vīrān ubhartā aatā hai
manzar ke kho jaane kā imkān ubhartā aatā hai
pas-manzar meñ 'fēd' hue jaate haiñ insānī kirdār
focus meñ rafta rafta shaitān ubhartā aatā hai
pīchhe pīchhe Duub rahī haiñ umr-e-ravāñ kī manfa.ateñ
aage aage ik bhārī nuqsān ubhartā aatā hai
jaise maiñ dabtā jaatā huuñ un ā.ankhoñ ke bojh tale
dil par do ashkoñ kā ik ehsān ubhartā aatā hai
ek tashannuj ik hichkī phir ik niilī zahrīlī qai
kyā kuchh likh dene jaisā haijān ubhartā aatā hai
'sāz' mirī jānib uThtī hai raat ga.e añgusht-e-''alast''
ruuh meñ ik bhūlā-bisrā paimān ubhartā aatā hai
had-e-ufuq par sara kuchh viran ubharta aata hai
manzar ke kho jaane ka imkan ubharta aata hai
pas-manzar mein 'feed' hue jate hain insani kirdar
focus mein rafta rafta shaitan ubharta aata hai
pichhe pichhe Dub rahi hain umr-e-rawan ki manfaten
aage aage ek bhaari nuqsan ubharta aata hai
jaise main dabta jata hun un aaankhon ke bojh tale
dil par do ashkon ka ek ehsan ubharta aata hai
ek tashannuj ek hichki phir ek nili zahrili qai
kya kuchh likh dene jaisa haijaan ubharta aata hai
'saz' meri jaanib uThti hai raat gae angusht-e-alast
ruh mein ek bhula-bisra paiman ubharta aata hai
- Book : sargoshiyan zamanon ki (Pg. 44)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
