hai aage ek bayaban is babul ke baad

hai aage ek bayābān is babūl ke baa'd

hamārā koī nahīñ hai dil-e-malūl ke baa'd

na jaane ḳhud ko kahāñ chhoḌ aayā raste meñ

mujhe talāsh hai apnī tire husūl ke baa'd

safar hayāt kā kab ḳhatm hone vaalā hai

ki jab zamīñ na huī ḳhatm arz-o-tūl ke baa'd

tumhārī zaat hī kyā qaus meñ ghire hindso

na kuchh usuul se pahle na kuchh usuul ke baa'd

firāq-o-vasl azāb-o-savāb bātil-o-haq

nuzūl sab kā huā hai mire nuzūl ke baa'd

hai aage ek bayaban is babul ke ba'd

hamara koi nahin hai dil-e-malul ke ba'd

na jaane KHud ko kahan chhoD aaya raste mein

mujhe talash hai apni tere husul ke ba'd

safar hayat ka kab KHatm hone wala hai

ki jab zamin na hui KHatm arz-o-tul ke ba'd

tumhaari zat hi kya qaus mein ghire hindso

na kuchh usul se pahle na kuchh usul ke ba'd

firaq-o-wasl azab-o-sawab baatil-o-haq

nuzul sab ka hua hai mere nuzul ke ba'd