hai aarmidagi mein nikohish baja mujhe

Mirza Ghalib

hai aarmidagi mein nikohish baja mujhe

Mirza Ghalib

MORE BYMirza Ghalib

    hai ārmīdagī meñ nikohish bajā mujhe

    sub.h-e-vatan hai ḳhanda-e-dandāñ-numā mujhe

    DhūñDe hai us muġhanni-e-ātish-nafas ko

    jis sadā ho jalva-e-barq-e-fanā mujhe

    mastāna tai karūñ huuñ rah-e-vādi-e-ḳhayāl

    bāz-gasht se na rahe mudda.ā mujhe

    kartā hai bas-ki baaġh meñ be-hijābiyāñ

    aane lagī hai nik.hat-e-gul se hayā mujhe

    khultā kisī pe kyuuñ mire dil mo.āmla

    sheroñ ke intiḳhāb ne rusvā kiyā mujhe

    vaañ rañg-hā ba-parda-e-tadbīr haiñ hunūz

    yaañ shola-e-charāġh hai barg-e-hinā mujhe

    parvāz-hā niyāz-e-tamāshā-e-husn-e-dost

    bāl-e-kushāda hai nigah-e-āshnā mujhe

    az-ḳhud-guzashtagī meñ ḳhamoshī pe harf hai

    mauj-e-ġhubār-e-surma huī hai sadā mujhe

    chand past fitrati-e-tab-e-ārzū

    rab mile bulandī-e-dast-e-duā mujhe

    maiñ ne junūñ se jo 'asad' iltimās-e-rañg

    ḳhūn-e-jigar meñ ek ġhota diyā mujhe

    hai pech-tāb rishta-e-sham-e-sahar-gahī

    ḳhajlat gudāzī-e-nafas-e-nā-rasā mujhe

    yaañ āb-o-dāna mausam-e-gul meñ harām hai

    zunnār-e-vā-gusista hai mauj-e-sabā mujhe

    yakbār imtihān-e-havas bhī zarūr hai

    ai josh-e-ishq bāda-e-mard-āzmā mujhe

    hai aarmidagi mein nikohish baja mujhe

    subh-e-watan hai KHanda-e-dandan-numa mujhe

    DhunDe hai us mughanni-e-atish-nafas ko ji

    jis ki sada ho jalwa-e-barq-e-fana mujhe

    mastana tai karun hun rah-e-wadi-e-KHayal

    ta baz-gasht se na rahe muddaa mujhe

    karta hai bas-ki bagh mein tu be-hijabiyan

    aane lagi hai nikhat-e-gul se haya mujhe

    khulta kisi pe kyun mere dil ka moamla

    sheron ke intiKHab ne ruswa kiya mujhe

    wan rang-ha ba-parda-e-tadbir hain hunuz

    yan shola-e-charagh hai barg-e-hina mujhe

    parwaz-ha niyaz-e-tamasha-e-husn-e-dost

    baal-e-kushada hai nigah-e-ashna mujhe

    az-KHud-guzashtagi mein KHamoshi pe harf hai

    mauj-e-ghubar-e-surma hui hai sada mujhe

    ta chand past fitrati-e-tab-e-arzu

    ya rab mile bulandi-e-dast-e-dua mujhe

    main ne junun se ki jo 'asad' iltimas-e-rang

    KHun-e-jigar mein ek hi ghota diya mujhe

    hai pech-tab rishta-e-sham-e-sahar-gahi

    KHajlat gudazi-e-nafas-e-na-rasa mujhe

    yan aab-o-dana mausam-e-gul mein haram hai

    zunnar-e-wa-gusista hai mauj-e-saba mujhe

    yakbar imtihan-e-hawas bhi zarur hai

    ai josh-e-ishq baada-e-mard-azma mujhe

    Videos
    This video is playing from YouTube

    Videos
    This video is playing from YouTube

    Zulfiqar Ali Bukhari

    Zulfiqar Ali Bukhari

    Source:

    • Book : Deewan-e-Ghalib Jadeed (Al-Maroof Ba Nuskha-e-Hameedia) (Pg. 314)
    • Author : Mufti Mohammad Anwar-ul-haque
    • Publication : Madhya Pradesh Urdu Academy ,Bhopal (1904-1982)
    • Edition : 1904-1982
    • Book : Ghair Mutdavil Kalam-e-Ghalib (Pg. 120)
    • Author : Jamal Abdul Wahid
    • Publication : Ghalib Academy Basti Hazrat Nizamuddin,New Delhi-13 (2016)
    • Edition : 2016
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY