hai ab to ye dhun us se main aankh laDa lunga
hai ab to ye dhun us se maiñ aañkh laḌā lūñgā
aur chuum ke muñh us kā siine se lagā lūñgā
gar tiir lagāvegā paiham vo nigah ke to
maiñ us kī jarāhat ko hañs hañs ke uThā lūñgā
dil jaate udhar dekhā jab maiñ ne 'nazīr' us ko
rokā are vo tujh ko legā to maiñ kyā lūñgā
vaañ abrū-o-mizhgāñ ke haiñ teġh-o-sināñ chalte
Tuk soch to maiñ tujh ko kis kis se bachā lūñgā
paḌ jāvegī jab shah vo ai dil to bhalā phir maiñ
kyā aap ko thāmūñgā kyā tujh ko sañbhālūñgā
hai ab to ye dhun us se main aankh laDa lunga
aur chum ke munh us ka sine se laga lunga
gar tir lagawega paiham wo nigah ke to
main us ki jarahat ko hans hans ke uTha lunga
dil jate udhar dekha jab main ne 'nazir' us ko
roka are wo tujh ko lega to main kya lunga
wan abru-o-mizhgan ke hain tegh-o-sinan chalte
Tuk soch to main tujh ko kis kis se bacha lunga
paD jawegi jab shah wo ai dil to bhala phir main
kya aap ko thamunga kya tujh ko sanbhaalunga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
